-Almmuhus-
OĐĐASATÁššehuvaiga oalát buot čuoggáin
OĐĐASAT
Sis-Finnmárkku diggegoddi lea ovttajienalaččat áššehuhttán goappašat dievdduid. Govas oaidnit mielduopmáriid ja duopmára áššis, Johan Isak Johansen Eira, váldoduopmár Finn Arne Selfors ja Sofie Guttorm. Govven: Inga Marie Guttorm

Áššehuvaiga oalát buot čuoggáin

-

-

Ođasmahtton:

Sis-Finnmárkku diggegoddi lea ovttajienalaččat áššehuhttán guokte boazosápmelačča geat leigga áššáskuhtton go galggaiba leat rievdadan mearkkaid, verrošan boraspirebuhtadusaiguin ja biinnidan bohccuid muhtinlágán reaidduin.

ášši

Verrošan boraspirebuhtadusaiguin
Vuosttaš oasis lei verrošeapmi boraspirebuhtadusaiguin. Økokrim oaivvildii sis ledje nana duođaštusat ahte boarrásit dievdu lea iešmielat vahágahttán 17 bohcco vai sulastahttá boraspirevahága, ja nuorat dievdu gávcci bohcco. Bohccuin, sihke misiin, čearpmahiin ja rávis njiŋŋelasain, ledje doddjon dávttit, čiekŋalis hávit ja dahkkon bátnesajit.

 

Rievdadan mearkkaid
Soai leigga maid áššáskuhtton rievdadan earáid bohccuid bealljemearkkaid alcceseaskka dahje iežaska lagas olbmuide, dahje darvvihan iežaska nammaklipsa daidda. Oktiibuot 50 bohcco čuoččuhuvvui leat suoláduvvon dáinna lágiin, ja stuora oasis dain bohccuin eai dieđe eaiggáda.

 

Rihkkon elliidčálgolága
Áššáskuhttima goalmmát oasis lei elliidčálgolága rihkkun, dagut mat leat dahkkon boraspiremávssuid oktavuođas jagi 2010 rájes.  33-jahkásaš dievdu lei áššáskuhtton čuggon sihke misiid ja rávis njiŋŋelasaid čiekŋalit feara gokko, ja maiddái doadján dain dávttiid. Dát dagut galget leat dahkkon eanaš ealli bohccuide. Soai leigga goappašagat áššáskuhtton hávváduhttán ealli bohccuid, ja dás leamašan sáhka birrasii 20 bohccos.

Dál lea celkon duopmu Sis-Finnmárkku diggegottis guovtti boazo­sápmelačča vuostá, 28- ja 33-jahkásačča, geat leigga
áššáskuhtton go galggaiba leat rievdadan mearkkaid, verrošan boraspirebuhtadusaiguin ja biinnidan bohccuid muhtinlágán reaidduin.

Goappašagat leaba áššehuvvon Sis-Finnmárkku diggegottis buot čuoggáin mainna leigga áššáskuhtton, ja leaba oalát áššehuvvon.

Ávvir čuovvu ášši.

 

 

 

 

 

 

Guoskevaš artihkkalat

-Almmuhus-

Ávvir bargá Leage Várrogas-plakáhta buori preassadábiid njuolggadusaid mielde. Ávviris ii leat ovddasvástádus eará neahttasiidduide maidda liŋkejuvvot. Ii leat lohpi šiehtadusa haga geavahit Ávvira čállosiid ja govaid eará atnui. Buot sisdoallu lea dahkkivuoigatvuođalaččat sudjejuvvon 2019 © Ávvir

Váldodoaimmaheaddji
Kari Lisbeth Hermansen
Neahttadoaimmaheaddji
Máret Inger Aslaksdatter Anti
Doaimmahusjođiheaddji
Josef Isak Utsi

Váldde oktavuođa
redaksjonen@avvir.no
Váldonummar: 934 40 700

Almmuhusat:
957 65 492

Bjørg Flage Karlsen

• Jápminalmmuhusat

Neahttačoavddus: Ávvir

• DIŊGO – BESTILL ABONNEMENT
• MU SIIDU – MIN SIDE
• DÁN LÁHKÁI BEASAT AVVIRA EAVIISII
– SLIK FÅR DU TILGANG TIL AVVIRS E-AVIS
• BAGADUS MOVT LOGGET SISA
– BRUKSANVISNING PÅ INNLOGGING
• EAVIISA EAŊKILNUMMAR
• EAVIISA-ABONNEMEANTA
• ABONNEMEANTAEAVTTUT – ABONEMENTSVILKÅR
• DIHTORLÁHTTEN JA PERSOVDNASUODJALUS
– DATAPOLICY OG PERSONVERN


Mii leat šaddan Birasčuovgadoardnan! Loga eanet dás.