Norgga Sámiid Riikkasearvvi sámediggejoavku bovde sápmelaččaid Divttasvuona guovllus kafeačoahkkimii. Čoahkkimis galgá fáddán sápmelaččaid dearvvašvuohta ja erenoamážit sámi mánáid dearvvašvuohta.
Norgga Sámiid Riikkasearvvi sámediggejoavku bovde sápmelaččaid Divttasvuona guovllus kafeačoahkkimii. Čoahkkimis galgá fáddán sápmelaččaid dearvvašvuohta ja erenoamážit sámi mánáid dearvvašvuohta.
Dán vahkku lea deaivvadit NSR sámediggeovddasteaddjit joavkočoahkkimii Ájluktii Divttasvuonas. Dan oktavuođas háliidit deaivat guovllu sápmelaččaid ja bovdejit sin kafeačoahkkimii gos guossohuvvo gáffe, ja borramuš. Fáddán čoahkkimis galgá leahkit sápmelaččaid dearvvašvuođafálaldat.
Beaska Niillas, guhte lea NSR jođiheaddji ja nubbinjođiheaddji bajásšaddan-, fuolahus- ja oahppolávdegottis, oaivvilda ahte lea dehálaš rahpasit digaštallat álbmogiin makkár dárbbut sis leat dearvvašvuođa oktavuođas. Dan čállá Norgga Sámiid Riikkasearvi preassadieđáhusas.
Áigot eambbo dieđuid
– Dat bohtet čađa gaskka ođđa dieđut ahte sápmelaččaid dearvvašvuohta ja erenoamáš dárbbut eat váldo vuhtii dearvvašvuođalágádusas, ovdamearkka dihte vuorrasiidfuolahusas ja mánáidsuodjalusas. Mii sávvat oažžut diehtit eambbo makkár dárbbut Divttasvuona sápmelaččain leat ja maid Sámediggi sáhttá bargat oččodišgoahtit buori dearvvašvuođafálaldaga julevsámiide, lohká Beaska Niillas.
Vuorjašuvvet
Čakčamánu loahpas meannuda Sámediggi guokte ášši mat leat sámi mánáid rivttiide guoskevaččat, ja makkár dárbbut sámi mánáin leat mánáidsuodjalusas.
– NSR vuorjašuvvo go oaidná makkár dilli mánáin lea mánáidsuodjalusas, ja lea čielggas ahte olu suohkaniin dárbbašuvvo eambbo máhttu sámi mánáid rivttiid ja kultuvrra birra. NSR sámediggejoavku háliida danne cealkámušaid movt sámi mánáid riektesihkkarvuohta ja rievttit sáhttet buorebut suddjejuvvot, ja sávvat ahte Divttasvuona olbmot áigot searvat dása, lohká Beaska.
