Mađi oanehit áigodaga muohta bistá, de šaddet sihke njoammila, rievssaha ja buoidaga dálvefárddat hearkkibun. Dat eai nagot čuovvut dálkkádatrievdamiid, Statskog dieđuid vuođul.
Mađi oanehit áigodaga muohta bistá, de šaddet sihke njoammila, rievssaha ja buoidaga dálvefárddat hearkkibun. Dat eai nagot čuovvut dálkkádatrievdamiid, Statskog dieđuid vuođul.
Beaivečuovga dagaha ja álggaha elliid geassefárdda molsut vilges dálvefárdii, iige muohta, čállá Altaposten.
– Lea erenoamážit njoammil mii ferte heivehišgoahtit molsuma dálkkádatrievdamii, muđui gal jávká njoammelšládja. Dálkkádatrievdamat gevvet johtileappot go evolušuvdna, ja vilgesfárddat elliin lea boasttu ivdni eanaš áigge jagis go muohta váilu máŋgga sajis, dadjá Statskog Bivdo- ja guolástusfágahoavda Jo Inge Breisjøberget.
Dálvefárda bievlan dahká elliid hearkkibun boralottiide, nu mo goaskimiidda, fálliide ja idjaskulffiide.
Sihke rievssat ja njoammil olliiga diibmá rukseslistui gos leat buot áitojuvvon elliidšlájat, go dát nálit leat njiedjan. Rievssatbivdit fertejit doahttalit unnit eriide ja gildojuvvon bivdinlobiide muhtin sajiin, muhto njoammelbivdu gal ii leat regulerejuvvon. (NTB)
