Álggos leat golbma gažaldaga, jus daid máhtát, de manat viidáseappot gilvvus.
Namma: Nancy Charlotte Porsanger Anti
Ahki: 37
Guovlu: Sirbmá
Bargu: Boazodoalus
1. Mo lea loahppa dán sátnevádjasis: «Unna mánážat dulbmet eatni askki, stuorát mánát……»?
– ..dulbmet váimmu, vástida Porsanger Anti jođánit. RIEKTA!
2. Dán jagi ilmmai juoiganskearru man namma lea Duollet Dálle. Mii lea juoigi namma gii dan almmuhii?
– Iigo son dat leat Máhte-Ántte Máhtte, dahje mii bat leige.. Mathis A. Oskal. RIEKTA!
3. Gii álgá NRK Sámi ođđa hoavdan dán čavčča?
– Mona Solbakk. RIEKTA!
Porsanger Anti máhtii visot golbma gažaldaga, ja son de oažžu liigegažaldagaid. Son sáhttá válljet ruoná liigegažaldaga mii addá 1 čuoggá, dahje válljet rukses gažaldaga mii addá 3 čuoggá.
Son válljii rukses liigegažaldaga:
1. Liigegažaldat. Goas lágiduvvui Melodi Grand Prix vuosttaš geardde?
– Naa.. 1957. RIEKTA!
Son máhtii liigegažaldaga ja oažžu fas válljet, son vállje rukses gažaldaga ja mii jearrat dán:
2. Liigegažaldat. Galle háve válljejuvvui Franklin Roosevelt USA presideantan?
– Ii go son dat leat 3 háve. BOASTUT!
Rievttes vástádus: 4 háve.
Porsanger Anti máhtii visot golbma álgo gažaldaga, ja vel nuppi liigegažaldaga. Son beassá liikká válljet árvalusaid maiguin sáhttá fasket 5, 10, dahje 15 čuoggá. Dat lea dan duohken guđe ivnni vállje. Rukses árvalus lea váddáseamos ja das oažžu 15 čuoggá, alit árvalusas 10 čuoggá, ja ruonás fas 5 čuoggá.
Porsanger smiehttá veahá ja vállje alit ivnni, ja mii jearrat dán árvalusa:
Mii gáhččá, muhto ii goasse bávččat?
– Temperatuvra. BOASTUT!
Rievttes vástádus: Borga
Galle čuoggá oktiibuot: 6 čuoggá
Juohke gilvaleaddji beassá hástalit ođđa gilvaleaddji Ávvira geassegilvui, ja Porsanger Anti háliida hástalit Elin Magga searvat Ávvira geassegilvui.
Ávvira geassegilvvu njunnošis dál: Lemet Ánde Stueng 16 čuoggáin
