Reiulf hástaluvvui eamidis Ristenis searvat geassegilvui, ja dál beassat oaidnit goabbá sudnos vuoittahallá.
Namma: Reiulf Aleksandersen
Ahki: 34 jagi
Guovlu: Guovdageaidnu
Bargu: Boazodoalli
Álggos leat golbma gažaldaga, jus daid máhtát, de manat viidáseappot gilvvus.
1. Guđe riikkas ráhkaduvvo vuolamearka Koff?
Dat gal ráhkaduvvo Suomas.
2. Makkár ivdni lea duottarhorpmá lieđis?
– Lea go son diet lieđđi fiskat? Dajan fiskat, fástida son.
Rivttes fástádus: Ruoksat, ruksesfioleahtta.
3. Gii lea čállán mánáidgirjji Máilmmi árggimus áhkku?
– Mun in dieđe eará ovtta sámi girječálli, ja mun fástidan Elle Márjá Vars, dadjá Reiulf.
Go Aleksandersen ii fástidan riekta buot golbma vuosttaš gažaldaga, de ii beassan viidáset dán gilvvus. Son dattetge beassá geahččalit fástidit árvalusa mainna sáhttá fasket 5, 10 dahje 15 čuoggá. Dát lea dan duohken makkár ivnni vállje. Rukses árvalus lea váddáseamos, ja jus dan fástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.
Reiulf vállje aliha, dan seamma go su eamit válljii, ja danin jearrat sus dán árvalusa:
Don boađát buollašiin galbma bartii ja fuomášat ahte dus lea dušše okta riššasággi vel báhcán. Barttas lea dollaomman, parafiidnalámpá ja ginttal. Man cahkkehat ovddemus?
– Mun cahkkehan ovddemus gintala, vástida Reiulf.
Rivttes fástádus: Riššasákki dieđusge.
– He-he-he-he, čaimmiha Reiulf njálgát ja dadjá ahte ii hal dat lean oba molssaeaktun ge.
Galle čuoggá oktiibuot: 2 čuoggá.
Reiulf ii fasken eanet čuoggáid go su eamit Risten.
– Son gal leage olu čeahpit go mun, dadjá Reiulf.
Juohke gilvaleaddji beassá hástalit ođđa gilvaleaddji Ávvira geassegilvui. Reiulf hástala Johan Dánel Turi searvat dán gilvui.
Geassegilvu lea deaddiluvvon otná aviissas.
