-Almmuhus-
GUOIMMUHEAPMI– Eai buohkat sáhte diehtit buot. Mis han lea Google dál gos...

– Eai buohkat sáhte diehtit buot. Mis han lea Google dál gos lea beare jearralit jus lea juoga

-

-

Otná geassegilvvu oassálastti lea Lohkanguovddáža jođiheaddji Lisa Baal.

geassegilvu:

Dán gilvvus lea mihttu čoaggit čuoggáid. 

 

Álgovuorus leat 3 gažaldaga, jus daid vástida riekta de manná viidáseappot. Juohke rievttes vástádusas oažžu 1 čuoggá. Jurddašanáigi: 20 sekundda.

 

De álget liigegažaldagat maid galgá vástidit 10 sekunddas. Liigegažaldagain oažžu 1 dahje 3 čuoggá, dan mielde makkár ivnni vállje; rukses dahje alit. Rukses gažaldagat leat váddáseappot. Gilvaleaddji manná viidáseappot nu guhká go vástida riekta liigegažaldagaid. 

 

Jus ii vástit áigemearrái, de manaha čuoggá.

 

Juohke gilvaleaddji beassá vel geahččalit vástidit ovtta árvalusa mainna sáhttá oažžut 5, 10 dahje 15 čuoggá, dan mielde makkár ivnni vállje; rukses, alit dahje ruoná. Rukses árvalus lea váddáseamos ja jus dan máhttá, de oažžu 15 čuoggá. Alit árvalusain oažžu 10 čuoggá ja ruoná árvalusain 5 čuoggá. Árvádusaid smiehttanáigi lea 1 minuhta.

 

Buohkat geat leat mielde Ávvira geassegilvvus ožžot Flax-vuorbbi. Dat gii nagoda čohkket eanemus čuoggáid vuoitá iPad-mini.

 

Juohke gilvaleaddji beassá hástalit ođđa gilvaleaddji Ávvira geassegilvui.

 

Ávvira bargit ja sin bearrašat eai sáhte searvat gilvui. 

 

Gilvoáigodat 01.07.15-15.8.15.

Namma: Lisa Baal

Ahki: 48

Guovlu: Guovdageaidnu

Bargu: Lohkanguovddáža jođiheaddji

 

Álggos leat golbma gažaldaga, jus daid máhtát, de manat viidáseappot gilvvus.

 

1. Gii vuittii Sámi Grand Prix lávlagiin Snowflow?

Snowflow vuoitán Sámi Grand Prix,

gii son dat sáhttá leat?

 

Rivttes vástádus: Ola Stinnerbom

 

2. Man dihte šattai Camilla Collett dovddusin?

Don jearat nu váddásit. Camilla Collett. Manin son dat šattai dovddusin.

Son soaitá bargan nissonáššiiguin. Son lea gal leamaš ovdal min ruhtaburssain.

 

Rivttes vástádus: Danne go son lei girječálli.

 

3. Mo lea loahppa dán sátnevádjasis: «Ii guoros seahkka …

 – … biso ceaggut, fástida Baal jođánit.

Go Baal i vástidan riekta buot golbma vuosttaš gažaldaga, de ii beassan viidáset dán gilvvus. Son dattetge beassá geahččalit fástidit árvalusa mainna sáhttá fásket 5, 10 dahje 15 čuoggá, dan mielde makkár ivnni vállje. Rukses árvalus lea váddáseamos, ja jus dan fástida riekta de oažžu 15 čuoggá, alit árvalusas faske 10 čuoggá ja ruonás ges 5 čuoggá.

 

Baal ii válljen ii guđege ivnni, iige de šaddan oasálastit dan oasis gilvvus mas galgá ovtta árvádusa vástidit.

 

Galle čuoggá oktiibuot: 1 čuokkis.

 

Lisa lohká ahte dat lea buorre go ovtta čuoggá faskii.

 – Eai dat lean váddásat. Eaige buohkat sáhte diehtit buot. Mis han lea Google dál gos lea beare jearralit jus lea juoga, dadjá Lisa.

 

Juohke gilvaleaddji beassá hástalit ođđa gilvaleaddji Ávvira geassegilvui ja Lisa Baal hástala Laila Aleksandersen Nutti searvat.

 

Njunnošis: Brita Åse Norlemann, 3 čuoggáin.

-Almmuhus-