Odne álget Finnmárkkus dievdoolbmuid njealját divišuvnna čiekčamat.
Odne álget Finnmárkkus dievdoolbmuid njealját divišuvnna čiekčamat.
Odne galget Fállejohka ja Bossogohpi 2 deaivvadit Fállejoga spábbačiekčanšiljus. Dá leage vuosttaš čiekčan dán jagi njealját divišuvnna ráidočiekčamiin.
Miessemánu 1. beaivvi deaivvadit ges Hámmárfeasta HIF/Stein ja Reaššvuotna.
Bearjadaga lea Nordlysa vuorru álggahit čiekčamiid, go galgá Ávági vuostá čiekčat Ávágis. Seamma beaivvi deaivvadit Indrefjord-Sállan Glimt ja Norild-Bossogohpi 2.
Easka boahtte vahkku
Guovdageaidnu ii galgga čiekčat vuosttaš čiekčama ovdal go boahtte vahkku, miessemánu 8. beaivvi. De galget lunttat vuolgit Hámmárfestii deaivvadit Indrefjord-joavkkuin.
Miessemánu 16. beaivi lea šaddan albma spábbačiekčanbeaivin, ja de deaivvadit Guovdageaidnu ja Nordlys Báktevári spábbačiekčanšiljus Guovdageainnus.
Seamma beaivvi galget muđui Norgga Tippeligas deaivvadit Bodø-Glimt ja Romsa Bådådjos.
