Juoiganoasi vuoiti

John André Eira lea dán jagá Sámi Grand Prix vuoiti juoiganoasis.

19:36 Cuoŋománu 15. beaivi 2017
Ođastuvvon: 15.04.2017 - 21:08

John André Eira juoiggai iežas bargoustiba Svein Egila, ja šattai ge dainna luđin dán jagá SGP vuoiti. 

– Gal dat gal lea oba ártet, gal mun dal dien in riekta ádde vel, lohká Eira dakka maŋŋil.

 

Ii lean vuordán

Son ii loga iežas leamaš vuordán vuoitit.

– Maid jurdilit go gullet iežat jiena?

– Maid bat de diđii vel jurdilit, oba ártet orui go nie galggai geavvat.

Son lei dál vuosttaš geardde SGP gilvvus oassálastimin.

Dál lohká áigut Báktehárjjis juoiggadit eahkedis ja ávvudit vuoittu.

 

 

Mathis Ole Vars lei juryovdaolmmoš ja son dat almmuhii vuoiti.

Jurys ledje njealjis geat juhke jienaid ja álbmoga jienat lohkkojedje viđát jurylahttun.

Jan Ole Hermansen, Inger Marie Nilut, John André Eira, Marit Kristine Hætta Sara ja Kim Hallgeir Berg ledje dan vihttasa searvvis geat ledje ožžon eanemus jienaid ovdal go neahttajienat almmuhuvvojedje.

Goalmmádin garttai Inger Marie Nilut, nubbin ges Kim Hallgeir Berg ja vuoiti de John André Eira.

 

Ášši ođastuvvo dađistaga.

 

 

Fáddásánit
Sámi Grand Prix

På forsiden nå