Ođđasat

Ihttin lágiduvvo Girkonjárggas Finnmárkku ja Tromssa fylkkaid vuosttaš šiehtadallančoahkkin. Čoahkkimii eai divtte media boahtit.

Greenpeace ja Natur og Ungdom leat jo golahan máŋga miljovnna ruvnno diggeáššái mii álggii disdaga Oslo diggegottis. Sáhttá duođaid boalddestit jus eai vuoitte dán ášši.

Ođđa oaiviliskkadeapmi čájeha ahte dušše Gurutbellodat ovdána Stuoradikki borgárlaš bellodagain.

Bargiidbellodat bidjá 600 miljovnna ruvnno alternatiiva bušehttii, sierra mánáidgárdepáhkkii. Bealli ruđas geavahuvvo jorgalit ráđđehusa evttohusa mas háliidit lasihit alimus hatti. 

Albbas lea ovdal bohcco goddán luoddagurrii Leavvajogas. Dál lea albbas oidnon 15 mehtera eret Thoralf Henriksena stobus. Dat lea su mielas áibbas lunddolaš go orru boaittobeale báikkis, muhto mánáidmánát eai beasa gal vovnnas oađđit viesu olggobealde dál veaigin. 

Boazotragediija viidu, go dál leat vel nuppi čorragis šaddan eanebuš gorudiid bálkestit, nu ahte dál leat guovtti čorragis Finnmark Rein šaddan bálkestit oktiibuot 310 bohcco. 

Fáŋgaráidu lea dál historjá go dál leat 284 rabas giddagassaji Norgga ráŋggáštusásahusain.

Guolástaneiseválddit luitet nuohttefatnasiid Deanu – ja Porsáŋgguvuonaide:

40 jahkái ii leat leamaš lohpi bivdit reahkáid nuohttefatnasiiguin ­Deanuvuonas ja Porsáŋgguvuonas, muhto dál lea Guolástusdirektoráhta rahpan reahká­fanasbivddu dan guovtti vutnii. Guolásteaddji Deanuvuonas Sverre Kimo Pedersen ballá reahkábivddu bilidit vuona ja báikkálašguolásteddjiid tietnasa.

Gopmánan skuteriin ja galbmon.

Sámedikkis čalmmustahtte seksuála illastemiid dievdduid vuostá:

Sámediggi lágidii maŋŋebárgga fágabeaivvi seksuálalaš veahkaválddálašvuođa birra ovttas «Utsattmann» -servviin. Veagalváldin gánddaid vuostá lea tabu, ja stuorra servodatváttisvuohta ja danin bohte golbma almmáiolbmo, geat ieža leat vásihan veagalváldima mánnávuođas, ovdanbuktit iežaset muitalusaid ja mo dat lea čuohcan sin eallimii.

Siiddut