Ođđasat

Porsáŋggu sátnejođiheaddji Aina Borch lohká gielda áigu bargagoahtit bissehit reahkabivddu nuohttefatnasiiguin Porsáŋggu vuonas.

Vuorraset nissonolbmot, geat leat badjel 65-jahkásaččat, plánejit eanemusat golahit juovlaskeaŋkkaide dán jagi. Mánát ja mánáidmánát ožžot daid divraseamos skeaŋkkaid.

Finnmárkku politiijaguovlu lea dutkamin ­goalmmát ášši mii lea váidon, go muhtin Sis-Finnmárkku ­oahpaheaddji lea sádden heivetmeahttun dieđuid vuolleahkásaš ohppiide.

Sámediggeráđđi ovddida ášši giellaguovllu ja suohkankategoriijaid birra dievasčoahkkimii juovlamánus. – Iešguđet guovlluid gielladilli dat galgá leat vuođđun boahtteáiggi giellaplánemii, dadjá sámediggepresideanta Aili Keskitalo Sámedikki preassadieđáhusas.

Jávkannjuolggadus, mii doaibmagođii mannan skuvlajagi, orru leamaš ávkin. Lea unnit jávkan, ja eambbosat cevzet.

Norgga politiijameastáriid gaskkas dine Finnmárkku politiijameasttir Ellen Katrine Hætta buot unnimus.

Deanu gielddastivra lea meannudan guolástuspolitihkalaš cealkámuša ja ovttajienalaččat celke ahte ferte nannet mearrasámiid vuoigatvuođaid lága bokte, go dál leat olu rievdadusat guolástusas mat čuhcet garrasit.

Iđitčuovganeapmái lei biilalihkohisvuohta Guovžajávrris.

Bargiidbellodat háliida nannet Našunála johtolatplána.

17 jagi barggai Rolf Olsen Gáivuona suohkana giellaguovddážis. Vaikke son doaimmai sihke oahpaheaddjin, dulkan ja jorgaleaddjin, de oaččui dušše konsuleantabálkká. Son lea manahan olu ruđaid, ja dás leat váikkuhusat maiddái su penšuvdnamáksui.

Siiddut