Almmuhus

Almmuhus

Stáda fállá 130,6 miljovnna ruvnno boazo­dollui

Stáhta šiehtadallanlávdegoddi evttoha 130,6 miljovnna ruvnno rámmajuolludeami boazodoallošiehtaduššii. Dat lea 7,5 miljovnna lassáneapmi diimmá ektui. Stáhta šiehtadallanjođiheaddji Anne Marie Glosli ja NBR jođiheaddji Ellinor Marita Jåma. Govven: Eanandoallo- ja biebmodepartemeantta.

Boazodoallošiehtadallamat leat ain jođus, dássážii lea stáhta fállan 7,5 miljovnna lasáhus diimmá ektui.

Published date: 
Bearjadat, 8 Guovvamánu, 2019 - 15:23
Fáddásánit: 

Stáda šiehtadallanlávdegoddi lea ikte buktán fálaldaga boazodoallošiehtadusa šiehtadallamii.

Stáda šiehtadallanlávdegoddi árvala 130,6 miljovnna ruvnno.

Dát lea 7,5 miljovnna ruvnno lassáneapmi diimmá boazodoallošiehtadusa ektui.

– Norgga Boazosápmelaččaid Riikkasearvi (NRB) lea odne ožžon buori fálaldaga. Fálaldat láhčá dili nannet ja positiivvalaččat ovdánahttet boazodoalu. Dienasvejolašvuođat nannejuvvojit go láhčá biergobuvttadeapmái lassi dietnasa ja háhká liigeealáhusaid, dadjá Stáda šiehtadallanjođiheaddji, Anne Marie Glosli, preassadieđáhusas.

 

Olu bearrašiin boazodoalus leat ain stuora ekonomalaš hástalusat maŋŋel heajos guohtuma.

Daid vahágiid ektui lea Stádii leamaš dehálaš buoremus lágis joatkit ruhtadoarjjaortnegiin. 

 

Ávvir ii leat lihkostuvvan oažžut Ellinor Marita Jåma ságaide.

På forsiden nå