Almmuhus

Almmuhus

Golbma golli ovtta vahkko­loahpas

Oda Utsi Onstad govvejuvvon eará gilvvuid oktavuođas. Govva: NTB Scanpix/Jon Olav Nesvold

Oda Utsi Onstad vuittii golbma NM-golli ja bijai guokte Norggaolahusa luođuvaláštallamis siste. 

Published date: 
Maŋŋebárga, 5 Guovvamánu, 2019 - 10:25
Fáddásánit: 


Utsi Onstad vuittii buot guhkkodatnjuikengilvvuid mat lágiduvvojedje.

Son njuikii 13,65 mehtera golmma njuikemis ja nu buoridii ge Norggaolahusa 11 senttiin.

Dá lei su viđat NM-golli dán suorggis ja son lea maid beassan mielde Davviriikkaid measttirgilvvuide gos son galgá ovddastit Norgga. 

 

Nubbi olahus

Norggameasttirgilvvuid nuppi beaivvi de bijai Utsi Onstad nuppi olahusa, dan bijai suorggis mas galgá njuiket guhkimussii viegakeahttá.

Son buoridii iežas diimmá olahusa guđain senttiin ja ođđa olahus lea 2,99 mehtera. Dá lei su logát NM-golli dán suorggis. 

Goalmmát golli vuittii Utsi Onstad guhkodatnjuikemis, ja son njuikii 6,27 mehtera. Dán suorggis lei dá su guđat NM-golli. 

– Dán mun in gal lean vuordán ovdagihtii. In jáhkkán ahte nagodan njuiket nie guhkás in ge báljo jáhke ahte lean bidjan guokte olahusa, dajai Utsi Onstad friidrett.no:i. 


På forsiden nå