Almmuhus

Almmuhus

Doarjja sáme­giela ovdá­nahttimii 

Čájáhusgovva: Anne Gro Gaup

Deanu gielddastivra lea várren 124 000 kruvnnu sámegiela ovdánahttimii.

Published date: 
Vuossárga, 11 Guovvamánu, 2019 - 14:00
Fáddásánit: 

Deanu fuolahusa, bajásšaddama ja kultuvrra váldolávdegoddi (HOOK) juolluda ruđaid ohcamušaid vuođul.

Áigemearri ohcat guovttegielalašvuođadoarjaga 28.02.2019, dieđiha Deanu gieldda.

 

Ulbmil ásahit sámegiela ovdánahttindoaimmaid

Ulbmil doarjagiin lea ahte ásahuvvojit doaimmat mat ovdánahttet sámegiela ja sámi kultuvrra Deanu servodagas.

Dat mat sáhttet ohcat leat searvvit, ovttastusat, fitnodagat ja gielddalaš doiammahusat.

Čuovvovaš doaibmasuorggit vuoruhuvvojit 2019:s:

1. Doaimmat mánáid ja nuoraid várás.

2. Gielladoaimmat ja álgooahpahus ollesolbmuide.

3. Arenaid ásahit gos sámegiella ja kultuvra geavahuvvo
    aktiivvalaččat.

4. Giellaovdánahttindoaimmaide sámi ealáhusain.

5. Erenomáš doaimmat.

På forsiden nå