Almmuhus

Almmuhus

Mobiila­telefovnna geava­heapmi biillas ráŋggá­štuvvo garra­seappot

Nu go eatnasat dihtet, de ii leat lohpi geavahit mobiilatelefovnna vuojidettiin. Dál garret njuolggadusat vel eambbo. 

Published date: 
Duorastat, 10 Ođđajagimánu, 2019 - 14:56
Fáddásánit: 

Ođđajagemánu 1. beaivvi bohte ođđa ja streaŋgát njuolggadusat mobiltelefovdnageavaheami birra.

Sáhkku geavahit mobiilatelefovnna vuojidettiin lea 1700 ruvnno, ja dál oažžu vel lassin guokte čuoggá vuodjinkortii jus váldo geavaheames mobiilatelefovnna vuojidettiin. 

Jus biilavuoddjis lea geahččalanáigi, de duppalastojit čuoggát. Dat mearkkaša ahte son geas lea geahččalanáigi oažžu njeallje čuoggá. 

Olbmos lea geahččalanáigi jus lea vuollel guokte jagi áigi go vujii vuodjinkoartta B klássa, (dábálaš biila) vuosttaš geardde. 

Dat mearkkaša ahte okta geas lea geahččalanáigi sáhttá massit vuodjinkoartta jus čuojaha musihka mobiilatelefovnnain ja molsu lávlaga, ja das gávnnahallá guovtte geardde. De oažžu gávcci čuoggá ja massá vuodjinkoartta.

På forsiden nå