Almmuhus

Almmuhus

Buokča­leaddji gájui biila­vuoddji gii vujii biillain merrii

Buokčaleaddji lei jođán njuiket merrii gádjut biilavuoddji gii ribahii biilla merrii distaga. Čájáhusgovva: Vidar Knai / SCANPIX

Honnesvágis gárttai biila kája ravdda badjel ja merrii. Soaittáhagas deaivvai báikkis leat muhtin buokčaleaddji gii gájui biilavuoddji gáddái.

Published date: 
Maŋŋebárga, 15 Ođđajagimánu, 2019 - 15:41
Fáddásánit: 

Dáhpáhus dieđihuvvui politiijaide distaga diibmu 10:15.

Biilavuoddji lei gozuid alde go gádjojuvvui ja son oaččui veahki dearvvašvuođabargiin.

Politiijat navdet dievddu vuodján gárrenoaivvis, dieđiha Finnmárkku politiijaguovlu.

– Stuora giitu buokčaleaddjái gii lei kájas go biila vujii merrii, čállet politiijat Twitteris.

 

Buohcciviesus

Dievdu gii vujii biilla merrii, lea 75-jahkásaš. Su leat helikopteriin dolvon Hámmárfeastta buohccivissui.

Buohcciviesus dieđihuvvo ahte dievdu lea veahá roasmmohuvvan ja stabiila.

På forsiden nå