Almmuhus

Almmuhus

Dál berret sáddet páhkaid jus galget ollet ovdal juovllaid

ÁIGI SÁDDET: Jus juovlaskeaŋkkat galget ollet poastta mielde ovdal juovllaid, de lea áigi sáddet daid. Vuorkágovva: Astrid Helander

Juovlamánu 16.beaivvi lea áigemearri sáddet reivviid ja páhkaid jus galget ollet ovdal juovlabasiid.

Published date: 
Gaskavahkku, 5 Juovlamánu, 2018 - 15:32
Tags: 
Fáddásánit: 

Reivviide, juovlakoarttaide ja unna páhkažiidda, guovtti kilos ja geahppasit, sáhttá bidjat poastamearkkaid.

Dát poasta galgá dábálaččat beaivvis dahje guovtti beaivvis ollet, muhto dál, juovllaid áigge, sáhttá ádjánit moadde beaivvi guhkit. 

Stuorebuš páhkat, mat deddet eambbo go guokte kilo, dahje háliida guorrannummara dahje dáhkádusa, de lea Norggapáhkka sáddenvuohki.

Poasta neahttasiiddus boahtá ovdan ahte dábálaš sáddenáigi lea beaivvis golmma beaivái. Dál, ovdal juovllaid, ferte rehkenastit moadde lassi beaivvi.  

På forsiden nå