Almmuhus

Almmuhus

Gumpe lea báhččon

Gumpe lea báhččon Áiteváris, Kárášjoga gielddas. Govven: Inga Marie Guttorm

Gumpe, man bivdigohte odne iđđes lea báhččon, ja dat lei mealgat stuorát go ovddit gumpe. 

Published date: 
Duorastat, 29 Skábmamánu, 2018 - 13:18
Updated at: 
Ođastuvvon: 30.11.2018 - 11:00
Fáddásánit: 

Duorastaga birrasii diibmu 11.30 báhččui gumpe mii galgá leat speadjan bohccuid maŋimuš vahkku. Dat lea mealgat stuorát go ovddit gumppe.

– Rávjá gumpe báhččui Áiteváris, Kárášjoga gielddas, duođašta Stáhta Luonddubearráigeahču (SNO) Magne Asheim.

Sis-Finnmárkkus hearjidii gumpe jo moadde vahkku áigi, ja speajai sihke bohccuid ja sávzzaid. 

 

Njeallje ráppi

 

Gumppebivdui ii leat ohccon báhčinlohpi, muhto Birasdirektoráhtta mearridii guorrat ja báhčit gumppe go maŋimuš beivviid leat gávdnon máŋga ráppi. 

– Njeallje ráppi leat juo gávdnon, ja duođaštuvvo ahte okta lea goddon gumpii, dajai Asheim árabut odne. 

SNO geavahii helikoptera gumppebivddus. 

På forsiden nå