Almmuhus

Almmuhus

– Stuora potensiála ovttasbargat Ruoššain

Remi Strand ja Ruošša-Norgga oasseváldi ja konsula Erik Svedal gii lea konsula Murmánskkas, ságastalle vejolašvuođaid mat ovddidit Norgga-Ruošša ealáhusovttasbarggu Finnmárkku ja Murmánskka. Govven: Matthias Kock, Finnmárkku fylkkagielda

Ovttasbarggu joatkka, rádjeássiduođaštus ja rádjehehttehusat ledje guovddáš áššit go Finnmárkku fylkkagielda finadii Nikelis duvle.

Published date: 
Gaskavahkku, 10 Golggotmánu, 2018 - 10:30
Updated at: 
Ođastuvvon: 10.10.2018 - 10:31
Fáddásánit: 

Murmánskka guovllu ráđđehus searvvai dan gávccát Ruošša-Norgga rádjeovttasbargobeivviid Nikelis, ovddit vahkku golggotmánu 4.-5.beivviid.

Oasseváldit ságastalle stáhtusa ovttasbarggus ja boahtteáiggi birra. Finnmárkku fylkkagieldda delegašuvnna jođihii Remi Strand, gii oaivvilda leat stuora potensiála dán ovttasbarggus.

 

Ledje maid ovtta oaivilis ahte Ruošša-Norgga ovttasbargu Finnmárkku fylkka ja Murmánskka oblasta gaskkas lea lihkostuvvan ja šaddan sukseassamodeallan ja čuovgatoardnan guovllu ovttasbarggu nuortta ja oarjji gaskkas, vaikko leat gaskkohagaid našunála dásis leamaš guovtti oaivilis.

 

Rádjeássiduođaštus 

Ruošša konsuláhta Girkonjárggas ja Norgga konsuláhta Murmánskkas ovddideigga ahte rádjeássiduođaštus addá erenoamáš vejolašvuođa álbmogii dikšut sosiála oktavuođaid nuppe beal ráji. Barentsovttasbargu oaččui ollu rámi sin dehálaš rolla ovddas, go dahká ovdánahttima vejolažžan. Dán jagi lea ovttasbargu jo doaibman 25 jagi.

 

Unnidit rádjehehttehusaid

Remi Strand ovddidii jurdaga addit Barentsovttasbargui eanet autonomiija ja givrodaga nu ahte sáhttá čorget eret eanet rádjehehttehusaid.

Deaivvadeamis  besse maid ságastallat eanet, movt potensiálas sáhttet oažžut buoret ávkki Murmánskka ja Finnmárkku ovttasbarggus.

 

Go vulge ruovttuguvlui deaivvadeami maŋŋel, de muittašii vel Norgga delegašuvdna Nuorta-Finnmárkku gálgama, man dihte 350 Ruošša soalddáha jápme. 2019:s ávvuduvvo 75 jagi ráfi Finnmárkkus.

På forsiden nå