Almmuhus

Almmuhus

Máŋggas váldon gitta politiijaide mannan ija Álttás

NTB Scanpix/ Heiko Junge

Politiijat váldán gitta máŋgasa mannan ija narkotihkkageavaheami dihte.

Published date: 
Duorastat, 11 Golggotmánu, 2018 - 07:28
Updated at: 
Ođastuvvon: 11.10.2018 - 07:35
Fáddásánit: 

Mannan ija leat politiijat dárkkistan vuđolaččat narkotihkkageavaheami Álttás.

Sii válde gitta muhttin 32-jahkásaš albmá, gi galgá leat gaikon sisa muhttin priváhta vissui.

Almmái áššáiduvvo maid veahkaválddálašvuohta ovddas ja go lea geavahan narkotihka.

 

Ii gednen ovddeš duomu

Maiddái leat politiijat ikte váldán gitta muhttin 39-jahkásaš dievddu ja 26-jahkásaš nissonolbmo, go maiddái soai galgaba geavahan narkotihka.

Politiijat leat dasa lassin ovdal juo ohcan albmá, das go ii leat gednen muhttin ovddeš duomu.

 

48-jahkásaš

Sullii gaskaija áigge dieđihedje politiijat maid ahte sii leat muhttin 48-jahkásaš váldán gitta Álttás.

Son áššáiduvvo go galgá leat atnán narkotihka iežas hálddus ja geavahan narkotihka.

 

Dáid birra dieđihit politiijat Twitteris.

På forsiden nå