Almmuhus

Almmuhus

Mannan ija dáhpáhusat Finnmárkkus

Govven: Kyrre Lien / SCANPIX

Muhtin nisu jámálgii Álttás mannan ija go lei olgun, dieđiha Finnmárkku politiijaguovlu.

Published date: 
Lávvardat, 15 Čakčamánu, 2018 - 10:32
Updated at: 
Ođastuvvon: 17.09.2018 - 08:30
Fáddásánit: 

ÁLTÁ: Lávvordatija šadde politiijat viežžat muhtin nissonolbmo gii lea badjelaš 20-jahkásaš. Sivvan dasa lei go son lei jámálgan Álttá guovddášbáikkis. Doavttir iskkai su ovdal go dolvojuvvui ruoktot, čállá Finnmárkku politiijaguovlu Twitteris.

Politiijat dieđihit maid ahte muhtin badjelaš 20-jahkásaš dievdu gohččojuvvui guođđit Álttá guovddášbáikki go lei rigeren muhtin olgobáikkis.

 

HÁMMÁRFEASTA: Hámmárfeasttas lei nuorra dievdu, badjelaš 20-jahkásaš, gohččojuvvon guođđit guovddášbáikki, go lei rigeren olgobáikkis.

Politiijat ledje maiddái dárkkisteame golmma boradanbáikki Hámmárfeasttas. Buot lei ortnegis, dieđiha Finnmárkku politiijaguovlu Twitteris.

 

MÁTTA-VÁRJJAT: Mátta-Várjjagis dieđihuvvui feastariedja priváhta ásodagas. Politiijat fitne báikkis. Okta dievdu guđii feastta ja sii geat báhce ožžo dieđu unnidit riedjama. 

Politiijat leat duoguštan láserpeannaid nuorra lunttaiguin Sandnes báikkis, ja muittuhit ahte ii leat lohpi eaiggáduššat diekkár peanna.

 

På forsiden nå