Almmuhus

Almmuhus

Guovda­geaidnu ja Nordlys vuoittá­halle

Niitoguolbanis maŋŋemus čiekčamis dán áigodaga deaivvadeaba fas Guovdageaidnu ja Nordlys duoddaračiekčamiidda. Soaitá šaddat guhká dassážii joavkkut fas deaivvadeaba.

Lea gártan guhkes áigi dan rájes go Nordlys ja Guovdageaidnu ožžo čuoggáid. 

Published date: 
Vuossárga, 24 Čakčamánu, 2018 - 10:57
Fáddásánit: 

Nordlys gánddat finadedje Sállanis čiekčame Sállan/Glimt vuostá. Sállan/Glimt časkkii Nordlysa 3-0 ja sáddejedje gánddaid ruoktot nulla čuoggáin.

Bákteváris finadii Fállejohka guossis. Fállejohka lea okta njunuš joavkkuin ráidočiekčamis ja derpe ge Guovdageainnu 5-0. Fállejoga moalaid báhče Johnny Mathis Utsi, Jonathan Rotvik, Kenneth Thomassen ja Daniel Reginiussen 2. 

Guovdageaidnu lea buot vuolemusas ráidočiekčamis ja sis leat golbma čuoggá. Nordlys ges lea ovccádin 18 čuoggáin. 

Dán guovtti joavkkus leat goappásge guokte čiekčama báhcán. Guovdageaidnu deaivvada Girkonjárggain ruovttus ja Nordlys galgá Čáhcesullui deaivvadit Norildain, ovdal go joavkkut deaivvadit áigodaga maŋemus čiekčamii Niitoguolbanis Kárášjogas.

På forsiden nå