Almmuhus

Almmuhus

– Lihkku máilmmi álgoálbmotbeivviin

Gielda- ja ođasmahttinministtar Monika Mæland Preassagovva

Odne mii ávvudit ON álgoálbmotbeaivvi. – Lihkku beivviin buot sámiide ja eará álgoálbmogiidda máilmmis, dadjá gielda- ja ođasmahttinministtar Monika Mæland.

Published date: 
Duorastat, 9 Borgemánu, 2018 - 15:19
Updated at: 
Ođastuvvon: 09.08.2018 - 15:23
Fáddásánit: 

1994:s ásahii ON generálačoahkkin máilmmi álgoálbmotbeaivvi, ja ávvuda vuosttaš čoahkkima ON bargojoavkkus máilmmi álgoálbmogiid várás jagis 1982.

Leat sullii 370 miljovnna álgoálbmogat máilmmis, sullii 90 riikkain.

Sii hupmet hirbmat olu iešguđet gielaid ja ovddastit 5000 iešguđet kultuvrraid.

Dán jagi fáddá lea:  Álgoálbmogiid sirdolašvuohta ja johtu

ON lea válljen sirdolašvuođa ja johtima fáddán dán jagi álgoálbmotbeaivái.

Olu báhkkemat ja stuora deaddu eatnamiidda ja resurssaide, riiddut ja dálkkádatrievdamat leat muhtin sivat dasa ahte olu álgoálbmogat leat fárren árbevirolašguovlluin čoahkkebáikkiide ja gávpogiidda maŋemus jagiid.

ON dáhttu čalmmustahttit dan ahte álgoálbmotrievttit fertejit suddjejuvvot maid go álgoálbmogat ásset olggobealde árbevirolaš guovlluin.

Gielda- ja ođasmahttinministtar dadjá ahte ipmirdit sirdolašvuođa ja johtima lea guovddážis go galgá ipmirdit movt ain eambbogat sámiin Norggas ellet iežaset eallima.

Maŋemus jagiin lea olmmošlohku njiedjan máŋgga árbevirolaš sámi guovlluin, ja ain eanet sámit orrot gávpogiin ja čoahkkebáikkiin.

– Norgga sámepolitihka hábmemis lea dat duogážis ahte sámit Norggas orrot sihke gilliin ja gávpogiin. Sis sáhttet leat áibbas iešguđet lágan hástalusat ja vejolašvuođat, ja mii guldalit buohkaid, dadjá gielda- ja ođasmahttinministtar.

På forsiden nå