Almmuhus

Almmuhus

Politiijat gávdnan goddin­vearjju Čáhce­sullos

Čájáhusgovva: NTB Scanpix/Gorm Kallestad

Politiijat oaivvildit iežaset gávdnan dan maid árvvoštallet oassin vearjjus mii geavahuvvui goddit 18-jahkásaš Håvard Pedersena Čáhcesullos. Dat gávdnui mearas.

Published date: 
Maŋŋebárga, 31 Suoidnemánu, 2018 - 13:41
Fáddásánit: 

Politiijat gávdne dan lahka ovtta sullo (Vadsøya), dieđiha Finnmárkku politiijaguovlu mánnodaga.

– Diŋga lea dál sáddejuvvon viidáset dutkamii. Ovddasguvlui ii galgga eambbo ohcan šat, nu guhká go eai boađe dieđut mat dagahit ahte ohcan berre joatkašuvvat, dieđiha politiijaadvokáhtta Anja Mikkelsen Indbjør NTB:s.

 

Seammás jotket dutkame ášši. Politiijat áigot earret eará jearahallat áššáiduhtton bártni dán vahkku.

Håvard Pedersen (18) čukkohalai go lei barggus Coop Byggmix nammasaš rámbuvrras Čáhcesullos lávvordat eahket, suoidnemánu 14. beaivvi.

Son dieđihuvvui jápmán oanehis áiggi maŋŋel. 17- jahkásaš gii bođii Norgii dorvoohccin golbma jagi áigi, lea áššáiduhtton áššis.

Son ii mieđit iežas sivalažžan.

På forsiden nå