Almmuhus

Almmuhus

Bissehan ruhtabeahtu

Čájáhusgovva/Josef Isak Utsi

Finnmárkku politiijaguovllu čállá preassadieđáhusastis ahte leat nagodan bissehit ruhtabeahtu.

Published date: 
Gaskavahkku, 11 Suoidnemánu, 2018 - 14:18
Fáddásánit: 

 Lei 70-jahkásaš nisu Nuorta-Finnmárkkus guhte lea ožžon ruovttoluotta badjelaš 30 000 ruvnno maŋŋá go lei vásihan beahtu neahttas.
 

Bissehan ruhtabeahtu

– Orru leamen nu ahte lea geahččaluvvon máŋgii váldit olggos ruđa, lea sáhka gitta 100 000 ruvnno rádjái. Vearredahkki nagodii fievrridit alcces 30 000 ruvnno nissonis. Muhto ovttasbarggu Økokrimain de nagodeimmet guorrat guđe kontoi ruhta lei fievrriduvvon ja oaččuimet sáddejuvvot gáibádusa báŋkui ahte ruhta galgá fievrriduvvot ruovttoluotta, muitala Finnmárkku politiijaguovllu øko- ja birasossodaga jođiheaddji Rune Johansen Nordbakk.

 

 

Eahpedábálaš dihtormašiidna

Nisu lei ovdagihtii vásihan juoidá eahpedábálačča dihtormašiinnas, mii sáhtii mearkkašit ahte dasa ledje earát beassan sisa. Muhtun olggriikalaš lei maiddái váldán oktavuođa nissoniin. Politiijat leat duđavaččat go nagodedje bissehit vearredahkki ja ahte nisu oaččui iežas ruđaid ruovttoluotta.

På forsiden nå