Almmuhus

Almmuhus

Karriere Finnmark prošeavttas bissovaš karrieara­guovddáš

Ášši meannuduvvo gelbbolašvuohtalávdegottis maŋŋebárgga geassemánu 5. beaivvi Girkonjárgga joatkkaskuvllas. Govven: Maria Borch Mietinen, FFK

Maŋŋebárgga galget Finnmárkku fylkkagieldda politihkkárat mearridit galgá go maiddái Finnmárku oažžut bissovaš karriearaguovddáža. Lea ásahuvvon karriereguovddáš buot fylkkaide ja lea dušše Finnmárku gos ain váilu bissovaš karriearaguovddáš.

Published date: 
Vuossárga, 4 Geassemánu, 2018 - 14:00
Updated at: 
Ođastuvvon: 04.06.2018 - 14:01
Fáddásánit: 

«Karriere Finnmark» lea NAV Finnmárkku ja Finnmárkku fylkkagieldda ovttasbargu, ja álggahuvvui álggos prošeaktan.

Prošeavtta muttus de álggahuvvui karriearaguovddáš mas leat guokte ossodaga mat galget sihkkarastit nuvttá individuála karriearabagadallama rávisolbmuide miehtá fylkka.

 

Resursan ássiide

Guovddáš doaibmá resursaguovddážin NAV:i, vuođđooahpahusas, ráŋggáštanásahusas, gielddain ja almmolaš ja priváhta fitnodagain.

Guovddáš lea leamaš doaimmas guokte jagi ja dássážii leat guovddážis leamaš 400 bagadusohcci ja 950 individuála karriearabagadallama.

 

Dárbu lassána

Karriearaguovddážis resursaguovddážin leat lassánan diŋgojumit servviin ja fitnodagain mat dárbbašit ráđđeaddi nuppástusas ja eastadeami olggudasvuođas.

Karriearabagadallan lea dehálaš našuvnnalaš áŋgiruššamis, ja Finnmárku lea dat áidna fylka riikkas gos ii leat bissovaš karriereguovddáš, vaikke lea stuorra ja lassi dárbu dasa, cealká Finnmárkku fylkkagielda preassadieđáhusas.

 

På forsiden nå