Almmuhus

Almmuhus

Gávdnan CWD-dávdda gottis USA:s mii boktá fuomá­šumi Norggas

CWD-dávda lea vuosttaš geardde gávdnon Davvi-Amerihkás, ja veterinearainstituhtta áiggošii maid dárkkistit dan gávdnosa oaidnin dihte lea go makkár ge čanastat gávdnosiidda Norggas. Govven: Marit Hommedal / NTB scanpix

Lea vuosttaš geardde go CWD-vuoiŋŋamasdávda lea gávdnon Davvi-Amerihká gottiin. Dál sávvá Veterinearainstituhtta Oslos sáhttit buohtastahttit daid gávdnosiid iskosiiguin maid Norggas leat gávdnan.

Published date: 
Gaskavahkku, 13 Geassemánu, 2018 - 15:12
Fáddásánit: 

Lea ovtta gottis gávdnon dávda Illinois guovllus, mii lea oassestáhta Davvi-Amerihkás. Nu lea diehtu maid stáhta eanandoalloeiseválddit muitalit. Muđuid eai leat nu ollu dieđut gávdnosa birra.

Lea vuosttaš geardde go vuoiŋŋamašdávda lea gávdnon Davvi-Amerihká gottis.

 

Buohtastahttit gávdnosiid

Veterinearainstituhta seniordutki Sylvie Benestad sávvá buohtastahttit gávdnosiid Norgga gávdnosiiguin.

– Lea hirbmat gelddolaš ja mii čuovvut mielde go almmuhit eanet dieđuid. Áiggi mielde lea gelddolaš buohtastahttit gávdnosiid min gávdnosiiguin, lohká Benestad.

Son jođiha instituhta laboratoria, mii aiddobáliid lea máilmmi elliiddearvvašvuođasearvvis nammaduvvon leat referánsalaboratorian vuoiŋŋamašdávdda dutkamis. Veterinearainstituhtas lea buorre ovttasbargu Davvi-Amerihká dutkanbirrasiin.

Dán rádjái lea dušše Norggas gávdnon CWD-dávda gottiin. Lea dušše gottiin čájehuvvon ahte dávda njoammu.

(©NTB)

På forsiden nå