Almmuhus

Almmuhus

Veahkehit olbmuid geat rahčet guovžabaluin

Čájáhusgovva. Govven: Berit Roald / NTB scanpix

– Ballu guovžžaide nannejuvvo, earret eará media bokte, ja lea vaikkuhussan go eallinkvalitehta hedjona muhtun olbmuide geat orrot dahje lávejit finadit guovlluin gos leat guovžžat, lohká dutki.

Published date: 
Duorastat, 3 Miessemánu, 2018 - 11:12
Fáddásánit: 

– Muhtumin sáhttá leat nu ahte olbmot, geat liikojit leat olgun ja meahcis friddjaáiggis, eai duostta mannat olggos go ballet deaivvadeames guovžžain meahcis. Mis lea hui ollu diehtu guovžžaid birra ja movt guovža láhtte olbmuiguin. Dan dihte háliidit mii geavahit dán máhtu práksisas ja vugiin mii lea ávkin almmolašvuhtii, lohká NINA seniordutki Ole-Gunnar Støen NINA preassadieđáhusas.

Oahpistit joavkkuid 

Dat mii doaimmai hui bures ledje joavkomátkkit báikkiide gos guovža lea. Oasseváldit besse maid oaidnit ahte sii eai leat okto dainna baluin. Sii besse geahčadit guovžžaluottaid, ja maiddái oaidnit movt johtá guovža mii lea rádiomerkejuvvon ja lahkosis.

Oasseváldit ohppe ipmirdit guovžža láhttema ja maid movt galget láhttet jus boahtá guovža.

 

Guovža čiehkáda

Maŋŋel oahpistuvvon mátkki lohke oasseváldit ahte ii leat at nu garra ballu guovžžain deaivvadeames meahcis. Čuozahus bisttii ja lei seamma golbma mánu maŋŋel. Oasseváldiide lei dehálaš oaidnit ahte guovža vállje áibbas earálágan eanadaga go olbmot geat vázzet mátkkiid luonddus ja čogget murjjiid dahje guobbariid.

– Midjiide leat buorit dieđut máhcahuvvon dáin mátkkiin, lohká Støen. Ollugat ledje hirpmahuvvan go guovža lea beaivet eará eanadagas, mii lea ráhpis ja suohkadat šaddogeardi go dat gos olbmot vázzet meahcis.

Guovža dahká maid dan maid sáhttá nu ahte ii deaivvat olbmuiguin.
 

 

Ovdánahttet fálaldaga

Dehálaš bargu viidáset lea gávdnat ođđa vugiid movt dán máhtu sáhttá bures geavahit.

– Mun jáhkán ahte lea dárbu lágidit bargobáji sidjiide geat barget boraspiredieđuiguin ja gávnnahit movt sáhttit gokčat olbmuid dárbbu geat ballet deaivvadeames guovžžain meahcis. Muhtin áššiin sáhttá leat dárbu gávnnahit čovdosiid mat heivejit buorebut individuála čovdosiiguin ja mat bistet, loahpaha Støen.

På forsiden nå