Almmuhus

Almmuhus

Ođđa mánáid­áittardeaddji namma­duvvon

Bargoministtar Anniken Hauglie almmuhii ođđa mánáidáittardeaddji bearjadaga Stáhtaráđis, Inga Bejer Engh. Govven: Gorm Kallestad / NTB scanpix

Diggegoddeduopmár ja ovddeš stádaadvokáhtta Inga Bejer Engh (47) lea Stáhtaráđis nammaduvvon ođđa mánáidáittardeaddjin go Anne Lindboe luohpá.

Published date: 
Bearjadat, 25 Miessemánu, 2018 - 15:03
Fáddásánit: 

Ledje 67 ohcci virgái mas Anne Lindboe geargá geassemánu loahpageahčen.

– Lean huo ilus go leat ožžon Inga Bejer Engh ođđa mánáidáittardeaddjin. Sus lea hirbmat beroštupmi mánáide ja mánáid rivttiide. Mun jáhkán ahte Bejer Engh váldá vuhtii buot áittardeaddji beliid, lohká bargoministtar Anniken Hauglie (H), gii lea sadjásaš stáhtaráđđi mánáid- ja dásseárvoministara ovddas.

 

Bargan Breivik-áššis áktorin

Bejer Engh lea jurista ja lea bargan Asker ja Bærum politiijaguovllu politiijaadvokáhttan, ja maid Drammen diggegotti ja Oslo diggegotti duopmárváldin.

Son lea maid bargan 12 jagi stádaadvokáhttan Oslo stádaadvokáhttavirggiin. Son šattai maid dovddusin go lei áktor Anders Behring Breivik áššis 2012:s.

Mánáidáittardeaddji lea virgáduvvon guđa jahkái, ja lea fágalaš iešráđálaš, muhto hálddahuslaččat gullá Mánáid- ja dásseárvodepartementii.

På forsiden nå