Almmuhus

Almmuhus

Guovttis massiiga vuodjinkoartta

MASSE VUODJINKOARTTAID: Ikte eahket leat guovttis massán vuodjinkoartta, go leat beare leahtus vuodjan báikkis gos politiijat leat dárkkisteame leamaš johtolaga. Čájáhusgovva: Gorm Kallestad/NTB Scanpix

Maŋemus jándoris leat guovttis massán vuodjinkoartta Finnmárkkus, go vujiiga alla leahtuin.

Published date: 
Duorastat, 10 Miessemánu, 2018 - 11:49
Updated at: 
Ođastuvvon: 11.05.2018 - 08:52
Fáddásánit: 

Maŋemus jándoris leat politiijat dárkkistan johtolaga Finnmárkkus.

Geaidnopolitiijat leat leamašan sihke Hámmárfeasttas, Kárášjogas, Vuonnabađas ja Deanus.

Dat mielddisbuvttii ahte guovttis vujiiga nu leahtus ahte šattaiga geiget biilavuodjinkoartta politiijaide ja «apostala heasttaid» ovtta áiggi váldit atnui.

Kárášjogas sáhkohalle viđas go leat johtileappot vuodján go leahttomearri lea báikkis, mii lei 60 km/d.

75 km/d lei leahttu das gii vujii garrasepmosiid dárkkisteami oktavuođas.

 

Vuonnabađas lea maid johtolat dárkkisteapmi leamaš báikkis gos leahttomearri lea 60 km/d.

Doppe lei dat nubbi gii massii vuodjinkoartta Finnmárkkus ikte eahket.

Son galgá leat vuodján 86 km/d báikkis gos leahttomearri lea 60 km/d.

Muđui ožžo njealjis earát álkesáhku leahtu geažil.

 

Hámmárfeasttas sáhkkohalle fas guđas go hupme mátketelefovnnain vuojedettiin.

 

Deanus lei vel dat nubbi gii massii vuodjinkoartta. Son vujii 116 km/d leahtuin Sáttovári badjel, vaikke doppe lea leahttomearri dušše 80 km/d. Dainna massii vuodjinkoartta.

På forsiden nå