Almmuhus

Almmuhus

Juolludan 94,5 miljovnna TT-ortnegii

Čájáhusgovva. Govven: Sara Johannessen / SCANPIX

Lea 11 850 384 ruvnno Finnmárkui ja 14 500 000 Romsii mii galgá veahkkin buoridit johtolatfálaldaga sidjiide geat dárbbašit heivehuvvon fievrredeami.

Published date: 
Duorastat, 12 Cuoŋománu, 2018 - 10:16
Fáddásánit: 

– Ráđđehus háliida buoridit fálaldaga álbmogii. Buorit johtolatortnegat ja buoret infrastruktuvra galgá veahkkin vai eambbogat sáhttet searvat sosiála doaimmaide. Dál leat čieža fylkkasuohkana ožžon birrasii 94,5 miljovnna ruvnno viiddiduvvon TT-ortnega ovddas 2018:s, lohká johtolatministtar Ketil Solvik-Olsen.

Ortnet dakkár heivehuvvon fievrredeapmái (TT-ortnet) lea ahte doaimmashehttehuvvon olbmuide galgá leat sierra ortnet, go eai sáhte geavahit dábálaš johtolatfievrruid.

Johtolatfálaldat lea oassin báikkálaš kollektiivajohtolagas masa fylkkasuohkaniin ja Oslo suohkanis lea ovddasvástádus.

Dát ortnet viiddiduvvui 2016:s, vai sihkkarastet muhtin geavaheddjiide 200 mátkki jagis. Ledje 3 400 geavaheaddji geat válde atnui ortnega 2017/2018:s. Oktiibuot leat 107 000 TT-geavaheaddji.

 

Juolludeapmi

Aust-Agder 12 550 000 kr

Finnmárku 11 850 384 kr

Møre ja Romsdal 11 609 000 kr

Sogn ja Fjordane 13 380 000 kr

Romsa 14 500 000 kr

Trøndelága 12 100 000 kr

Østfold 18 551 250 kr

Supmi 94 540 634 kr

På forsiden nå