Almmuhus

Almmuhus

Giddejit luotta Silis­ávžžis gaskko­hagaid

Stáda geaidnodoaimmahagas dieđihit luotta leat gaskkohagaid gitta, nu guhká go barget guorbmebiillavovnna oažžut fas luotta ala. Šearbmagovva.

– Luodda boahtá leat gaskkohagaid áibbas gitta, dieđihit Stáda geaidnodoaimmahaga johtolatguovddážis.

Published date: 
Vuossárga, 16 Cuoŋománu, 2018 - 11:58
Updated at: 
Ođastuvvon: 17.04.2018 - 08:52
Fáddásánit: 

Sotnabeaieahkeda bođii diehtu ahte guorbmebiila lei bártašuvvan Silisávžžis. Lea guorbmebiilla nubbi goallosvovdna mii lea čiđistan luotta badjel.

– Lea váralaš gálvu mii sáhttá bávkkihit, várohit politiijat Twitteris.

Buollinčáskadeaddjit leat ihkku bargan rádjat eret dan váralaš gálvvu, ja diibmu 03.30 sáhtte fas rahpat luotta.

Dattetge sáhttá luodda leat gaskkohagaid gitta, go leat bargame oažžut guorbmebiillavovnna fas luotta ala.

 

Sáhttet ádjánit

Stáda geaidnodoaimmahaga johtolatguovddážis lohket aitto gulahallan gádjunbargiiguin Silisávžžis.

– Sii šaddet ain giddestit luotta vai bállejit bargat gádjumiin, muhto sii luitet biillaid meattá ain dađistaga, muitala Helge Tømmervik.

Tømmervik lohká ahte bohtet gal moadde diimmu ádjánit gádjunbargguin, muhto lea váttis diehtit man guhká šaddet bargat.

På forsiden nå