Almmuhus

Almmuhus

Almmuhan dievddu nama gii duššai skohter­lihkohis­vuođas

Politiijat leat almmuhan nama dievddus gii duššai mannan duorastaga Smiervuonas. Čájáhusgovva. Govven: Jon Olav Nesvold / NTB Scanpix

Politiijat leat almmuhan dievddu nama gii duššai skohterlihkohisvuođas Porsáŋggus mannan duorastaga.

Published date: 
Vuossárga, 16 Cuoŋománu, 2018 - 10:21
Updated at: 
Ođastuvvon: 16.04.2018 - 11:00
Fáddásánit: 

Dievddu bearaš lea addán lobi almmuhit nama dievddus gii duššai skohterlihkohisvuođas Smiervuona lahka duorastaga.

Dat lei Hans Nikolay Hansen gii jámii. Son orui Hámmárfeasttas, muhto sus lei barta Smiervuonas, čállá iFinnmark.

– Orro leamen ahte skohter lea vuodján eret láhttus ja geađggi njeaiga. Son geavai reaga vuollái ja duššai, muitala Porsáŋggu leansmánni Tarjei Leinan Mathisen aviisii.

 

Olbmot dieđihedje

Ledje olbmot geat bohte báikái geat gávdne dievddu ja dieđihedje heahtetelefovdnii dáhpáhusa birra.

Leansmánni ávžžuha maid olbmuid leat várrogasat go vánddardit muohtaskohteriiguin, ja muittuha ahte eambbogat jápmet skohterlihkohisvuođain go muđuid johtolagas.

– Ferte leat várrogas luonddus. Dál lea muohta čalgan ja skohter sáhttá čálistit badjel ja gopmánit, lohká Porsáŋggu leansmánni iFinnmarkii.

På forsiden nå