Almmuhus

Almmuhus

Áigot čájehit davvi-norgalaččaide ahte veahkki lea gávdnamis

Čájáhusgoovva: Berit Roald/ NTB Scanpix

Davvi-Norgga jussaveahkk boahtá njučkamánu 9. beaivvi Kárášjohkii ja Levdnjii olbmuide fállat juridihkalaš veahki.

Published date: 
Duorastat, 8 Njukčamánu, 2018 - 10:43
Fáddásánit: 

Dán mátkkis áiguba jussastudeanttat Bjørge Vevik ja Marcus Veinan čájehit ahte lea veahkki gávdnamis olles Davvi-Norggas, ja áiguba čohkket áššiid olbmuin geat dárbbahit veahki.

– Mii háliidat addit olbmuide nu buriid vástádusaid go vejolaš, vaikko lea ge váttis vástidit ovdal go lea šaddan bargat dainna áššiin. Danne geavvá ge dávjá ahte áššiid šaddá guhkit áiggi árvvoštallat, ja muhtin áššiin ii sáhte Davvi-Norgga jussaveahkki oba veahkehit, dadjá Marcus Veinan.

 

Veahkehit klieanttaid vaikko makkár dilálašvuođain

Davvi-Norgga jussaveahkki lea spesiáliseren muhtin áššesurggiide, dainna ulbmiliin ahte galget sáhttit veahkehit buoremus lági mielde.

Dasa lassin go barget mánáid-, bearaš- ja árbenvuoigatvuohtaáššiiguin, de leat maiddái čeahpit odjoriekte-, bargoriekte- ja láigovuoigatvuohtaáššiiguin bargat.

Sii veahkehit maiddái klieanttaid vealgeáššiiguin, olgoriikka rivttiiguin, sosiálarivttiiguin ja ráŋggáštusrivttiiguin.

– Mii ávžžuhit buohkaid geain leat juridihkalaš gažáldagat dahje váttisvuođat, minguin váldit oktavuođa. Sáhttet ovdamearkka dihte  leat váttisvuođat oažžut ruovttoluotta máksot deposituma dahje jus leat gažaldagat earráneami birra. Buohkat sáhttet min lusa boahtit. Ráđđeaddin lea nuvttá, muitala Bjørge Vevik.

På forsiden nå