Almmuhus

Almmuhus

Várut dán e-poastas!

Čájáhusgovva: Erik Johansen/NTB SCANPIX

DNB duođašta ahte báŋkkokonto sáhttá gurrejuvvot.

Published date: 
Maŋŋebárga, 13 Guovvamánu, 2018 - 09:55
Fáddásánit: 

Maŋemuš áiggi leat Netflix nammásaš neahttasiiddus boahtán behtolaš e-poastat, gos sihtet kundara ođasmahttit máksodieđuid, dieđiha Nettavisen

DNB ávžžuhus kundariidda lea ahte ii galgga dahkat dan maid e-poasta sihttá, danne go dá leat fillejeaddjit, geat sáhttet gurret báŋkokonto.

 

Sáhttá várálaš jus rahppá e-poasta

E-poastas lea muhttin interneahttaliŋka masa sihtet deaddelit go galgá ođasmahttit máksodieđuid.

Go dan galgá gárvvismahttit, de ferte deavdit kredittkoartadieđuid.

Jus dáid deavdá, de sáhttet fillejeaddjit beassat du neahttabáŋkkui ja gurret sihke kredittkonto ja báŋkkokonto.

 

Ođđa vuohki fillet olbmuid

Váikko ii leat mihkke ođđasiid ahte fillejeaddjit vigget olbmuid fillet e-poasta bokte, de lea aŋkke ođđa fillenvuohki mii geavahuvvo.

Dás sáhttá leat sáhka muhttin ádvokáhttafitnodagas geat vigget fillet olbmuid.

– Fitnodagat geat eai leat bidjan SPF-records sáhttit álkit geavahuvvot sáddet behtolaš e-poastaid. Sii sáddejit Norgga e-poastačujuhusain vuoi olbmot galget álkibut luohttit e-posttii, muitala Telenor bargi Jan Roger Wilkens Nettavisenii.  

På forsiden nå