Almmuhus

Almmuhus

Girdi­lihkohisvuohta Spållavuolles

Čájáhusgovva: NTB Scanpix/Håkon Mosvoll Larsen

Sotnabeaivve eahket, sullii diibmu 2030 gahčai girdi merrii go lei vuolgán Spållavuolles Romsii. 

Published date: 
Vuossárga, 12 Guovvamánu, 2018 - 09:10
Fáddásánit: 

Ledje girdišiljju bargit geat fuobmájedje lihkohisvuođa ja dieđihedje dán birra heahteetáhtaide.

Sullii kvártta maŋŋil lokaliserejuvvui girdi ja guokte guokte olbmo geat leigga girdis dolvojuvvuiba ambulánsahelikopteriin.

Doaibmajođiheaddji Line Lysvoll duođastii Lofotpostenii ahte dat guokte olbmo geat leigga girdis duššaiga lihkohisvuođas. 

 

Romssa girdisearvi duođašta

Romssa girdisearvi duođasta mánnodat iđiida ahte dát guokte olbmo geat duššaiga lihkohisvuođas guláiga Romssa girdisearvái.

– Dát lea stuora trágediija. Dát lea garrasit midjiide cuohcan, lohká Romssa girdisearvvi jođiheaddji Yngve Johnsen.

Sotnabeaivve eahket čoahkkanii girdisearvvi stivra searvevissui Romssa girdišilljubáikkis Langnesas, gos buot mielláhtut girdisearvvis besse čoagganit.

– Mii doalaimet rabas dan váste vuoi buot mielláhtut geat háliidedje, besse deaivvadit dáppe, muitala Johnsen. 

På forsiden nå