Almmuhus

Almmuhus

Čiežas heavvanedje ođđajagemánus

Čájáhusgovva. Govven: Terje Pedersen / NTB scanpix

Dán jagi vuosttaš mánus leat measta beali eanet olbmot heavvanan go diimmá ođđajagemánus.

Published date: 
Sotnabeaivi, 11 Guovvamánu, 2018 - 10:15
Updated at: 
Ođastuvvon: 11.02.2018 - 10:24
Fáddásánit: 

Guokte olbmo heavvaneigga Nordlánddas, muđui heavvanii okta olmmoš sihke Trøndelágas, Hordalánddas, Oarje-Agderis, Buskerudas ja Østfoldas. 
– Vuosttažettiin lea šállošahtti go statistihkka lea measta duppalaston diimmá ođđajagemánu ektui.

Dán dálvvi leat leamaš olu buollašat ja jiekŋumat. Muohta jieŋa nalde sáhttá dagahit heaggavára.

Dan dihte fertet ge mii várrogasat vánddardit jieŋa nalde, lohká Redningsselskapet gulahallanhoavda Frode Pedersen.

 

Leage várrogas jieŋa nalde
Dál álgá áigodat go leat ollugat geat vulget oaggunmátkái ja čuoiganmátkái miehtá riikka.
 – Molsašuddi dálki, go leat bivvalat ja buollašat, dagaha dávjá ahte lea váttis diehtit man rašši jiekŋa lea go galgá vuolgit jieŋa nala oaggut dahje rasttildit jikŋon jávrriid ja jogaid, lohká Pedersen.

Son ávžžuha iskat dárkilit jieŋa ovdal go manná jieŋa nala.
2017:s heavvanedje 94 olbmo Norggas.

(©NTB)

På forsiden nå