Almmuhus

Almmuhus

Cápmii moarsi – dubmehalai čohkkát

DUBMEHALAI: Goalmmátlogátjahkásaš dievdu dubmehalai Sis-Finnmárkku diggegottis. Govven: Nils Johan Vars (čájáhusgovva)

Goalmmátlogátjahkásaš dievdu Nuorta-Finn­márkkus cápmii moarsis varrii basadanlanjas iežaska ruovttus. Dan, ja máŋga eará ášši dihte šaddá ­čohkt ja vel máksit sáhku.

Dievdu dubmehalai gieskat Sis-Finnmárkku diggegottis máŋgga bahádagu ovddas.

Son šaddá čohkkat 45 beaivvi, lea sáhkohallan 75 000 ruvnnuin, ii beasa vuodjinkoartta vuodjit ovdal njealji jagi geahčen, stáhta duoguštii sus háššaveardna ja son šaddá vel 3000 ruvnno áššegoluid máksit.

 

Juskalii oivviin

Guokte jagi áigi leigga goalmmátlogátjahkásaš dievdu ja su moarsi ođđabeairuohta feasttas.

Go joavddaiga ruoktot, de eaba lean nu olbmážat.

Dievdu bázii biilii čohkkát ja čuojahit musihka hui jitnosit. Moarsi finai máŋgii gohččumin geahpedit musihka, dassái go dievdu suhtai ja čuovui moarsi vissui.

Doppe šattaiga loahpas basadanlatnjii, gos de galgá dievdu juskalan oivviin moarsi, čiekčan čoarbbeliide ja čorbman su.

 

Beasai báhtui

Moarsi beasai báhtui, muhto dievdu vuoddjái biillain maŋŋái ja vikkai ohcat su.

Moarsi manai oappás lusa, gos sii riŋgejedje politiijaide, geat vižže dievddu giddagassii.

Dasa lassin lea dievdu vurkkodan 8 grámma hášša, ja 24 narkotihkatableahta ja muđui eará narkotihka áššiin gávnnahallan, cuvken politiijabiillas maŋŋeuvssa,  moddii gárrenoaivvis vuoddján biillain. Daid ovddas son dubmehalai.

På forsiden nå