Almmuhus

Almmuhus

Máŋgalogi ohcamuša vurdet meannuduvvot

Govva: The Norwegian Barents Secretariat.

Barentsčállingoddi ii sáhte meannudit ohcamušaid Norgga-Ruošša ovttasbargoprošeavttaide ođđajagemánus go Olgoriikadepartemeanttain ii leat gárvvis prošeaktaruđaid šiehtadus 2018 ovddas.

Published date: 
Maŋŋebárga, 16 Ođđajagimánu, 2018 - 09:24
Fáddásánit: 

Barentsčállingoddi meannuda ruhtadoarjagiid mat geavahuvvojit olbmos olbmui prošeavttaide Davvi-Norggas ja Oarje-Davvi Ruoššas.

Lea Olgoriikadepartemeantta mii juohká ruđa Barentsčállingoddái ja lea golmma jahkái doaibmašiehtadus mii nogai ođđajagemánu 1.beaivvi 2018:s.

 

Boahtte mánu meannudit

Dál go šiehtadus váilu, de ferte Barentsčállingoddi maŋidit meannudemiid gitta ođđa šiehtadus lea sajis.

– Mii lávet meannudit ohcamušaid oktii mánus. Nu guhká go šiehtadus váilu, de eat sáhte lohpidit ruđa masa ge. Dan dihte šaddat maŋidit ohcamušaid mat leat boahtán midjiide, boahtte mánnui ja mii jáhkkit daid meannudit guovvamánu 5. beaivvi, lohká Barentsčállingotti beaivválaš jođiheaddji Lars Georg Fordal Barentsčállingotti neahttasiiddus.

– Mii sávvat ja jáhkkit ahte ođđa šiehtadus lea fargga sajis, lohká Fordal.

 

Ollu ohccit ohcalit vástádusa

2017 lei hušas jahki Barentsčállingottis, go measta 42 miljovnna Norgga ruvnno juhke 207 iešguđetlágan ovttasbargoprošektii. Ođđajagemánus ledje 30 ohcamuša vuordime meannuduvvot.

Dál šaddet ohccit gierdevaččat vuorddašit ohcamušaid meannuduvvot.

– Mis leat ollu áŋgiris ohccit geat riŋgejit midjiide ja jerret mis šaddá go son prošeavttas mihkkege. Mii fertet dušše šállošit go sii šaddet vuordit veahá ovdal go ožžot vástádusa, dadjá Fordal.

På forsiden nå