Almmuhus

Almmuhus

Massii koartta agi­beaivái

GÁRRENOAIVVIS VUJII: Viđátlotjahkásaš dievdu massii agibeaivái koartta go gávnnahalai vuot gárrenoaivvis vuodjimis. Govven: Nils Johan Vars (vuorkágovva)

Viđátlotjahkásaš dievdu Sis-Finnmárkkus eret massii koartta agibeaivái go válddahalai vuodjimis gárrenvuođas mannan čavčča.

Viđátlotjahkásaš dievdu Sis-Finnmárkkus eret massii koartta agibeaivái go válddahalai vuodjimis gárrenvuođas mannan čavčča.

Dievdu vujii riikageainnu 93 mielde go bissehalai politiijaide.

Son bissehuvvui danin go vujii 79 kilomehtera leahtuin luottas gos ii leat leahttomearri eambbo 60 kilomehtera diimmus.

Go politiijat válde sus iskosiid, de čájehuvvui ahte sus lei 1,5 promilla ja 0,0050 THC, mii lea iskosiin hášša.

 

Vikkai mohkastit

Dievdu vikkai mohkastit ahte ii son lean vuodján biillain, son lei dušše stivren.

Son čilgii dikkis ahte son bivddii muhtun nuorta-eurohpálačča hoigadit su biilla johtui go stártenrusttet ii doaibman biillas, ahte son dušše čierastii biillain ii ge vuodján.

Politiijain lei eará oaivil go čilgejedje diggái. Sii muitaledje ahte biilla mutuvra lei jođus, ja dievdu bođii vuoji luoddaráigge.

Diggi oaivvildii maid ahte nu guhká go biila lea fierrame, de lea dat seamma go dievdu livččii vuodjime biillain, nu eai dievddu čilgehusa doahttalan.

Dievdu lea ovdal dubmehallan sullasaš bahádaguid dahkan, ja dál dubmii diggi ahte dievdu šadda čohkat 45 beaivvi, massá koartta agibeaivái ja sáhkkohallá vel 15 000 ruvnnuin.

På forsiden nå