Almmuhus

Almmuhus

Lars Monsen sádde minuhtas minuhttii

NJUOLGGOSÁTTA: NRK ja Lars Monsen sáddejit birrajándora go leat mátkkis. Govven: Håvard Jenssen/NRK

Geasset besset tv-geahččit Lars Monsena mielde vuolgit mátkái.

Published date: 
Bearjadat, 19 Ođđajagimánu, 2018 - 10:44
Fáddásánit: 

Ovddit gesiid leat NRK:s beassan oaidnit sihke geassetoga ja geassefatnasa, dál vuolgá NRK geassemátkái norgga váriide. Dan dieđihit preassadieđáhusas.

Njeallje vahkku lea Lars Monsen tuvrras, seammás go TV-kámerat čuvvot su. Hardangerduoddaris, Jotunheimenis, Viestterálas ja Sis-Romssas.

Lars Monsen vázzá ovddemusas, muhto lohká šaddá somá oaidnit čuovvolit go earát.

Vihtta beaivvi vahkkus lea njuolggosátta su tuvrras. Seamma ládje go ovddit jagiid, de čájehuvvo «njoazes-tv» beaivet, ja eahkes lea showa gos leat guossit, artisttat ja geahččit. Juohke eahkeda sáddejuvvo ođđa báikkis.

 

Minuhtas minuhttii

– Illudan! Ferte buorre áigi go luondduvásáhusain lea sáhka. Lea hirbmat buorre jurdda sáddet tuvrra minuhtas minuhttii, lohká Lars Monsen.

NRK prošeaktajođiheaddji lea Thomas Hellum gii ovdal lea leamaš guovddážis sihke fanas- ja togasáddagiin. Njuolggosátta váriin ja mehciin ii šatta álkibut.

–Lea hui buorre go mis lea tuvrasearvi, Den Norske Turistforeningen, mielde čađaheamis, sii dovdet luonddu, lohká Hellum.

Juste gos Monsen vázzá ii leat vuos mearriduvvon. NRK ferte vuos geahččalit vázzit, ja oaidnit gos gulahallá sáddet TV-sáddaga.

– Lea oalle hástaleaddji sáddet njuolgga dakkár báikkiin gos ii bálljo gulahala telefovnnain, lohká Hellum.

På forsiden nå