Almmuhus

Almmuhus

Jápmán olmmoš gávdnui návstos mii bulii gutnan

Návstu bulii gutnan Sálliris, Romssas, duorastaga eahkedis. Jápmán olmmoš gávdnui maŋŋel buollima. Govven: Rune Brustad-Hanssen / NTB scanpix

Politiijat leat gávdnan jápmán olbmo maŋŋel go návstu visttáš bulii gutnan Sálliris Romssas. Eai leat vel identifiseren jápmán olbmo.

Published date: 
Bearjadat, 12 Ođđajagimánu, 2018 - 16:37
Updated at: 
Ođastuvvon: 13.01.2018 - 10:10
Fáddásánit: 

Duorastaga eahkedis dieđihuvvui buollin 20-áigge. Go buollinčáskadeaddjit ollejedje báikái, de lei jo stuora dolla návsttus.

Vihttánat lohket gullan ahte bávkkehii visttis. Politiijat navde ahte visttis sáhtte leat olbmot, ja ambulánsahelikopter girddii bajábealde ja čuovggai návsttu birrasa vai heahteveahkit sáhtte oaidnit luottaid báikkis.

 

Eai dieđe olbmo identitehta

Politiijain ohce maid beatnagiiguin, ja njuolga maŋŋel diibmu 21 dieđihii Romssa politiijaguovlu ahte jápmán olmmoš gávdnui návstus. Politiijat eai dieđe vel gii son lea.

– Buollinbáiki lea čoskon ja teknihkkárat álget bargagoahtit eahkedis, dajai Romssa politiijaguovllu operašuvdnajođiheaddji, Steinar Gudmundsen Nordlysii.

Návstu bulii áibbas gutnan, čállá NTB.

(©NTB)

På forsiden nå