Almmuhus

Almmuhus

Guoros Twitter - muhto bargu ii váillo

DOARVÁI BARGU: vaikke eai leat vel almmuhan áššiid Twitterii, de eai čohkká barggu haga. Čájáhusgovva: Nils Johan Vars

10 diimmu áigi go maŋemus Finnmárkku politiijat leat almmuhan maidege Twitteris, lihkká ii nu jaskat go orru leamen.

Published date: 
Lávvardat, 6 Ođđajagimánu, 2018 - 13:02
Fáddásánit: 

Finnmárkku politiijaguovlu eai leat eai sáni ge čállán iežaset Twitter kontus iđđesija rájes.

Go Ávvir váldá oktavuođa operašuvdnaguovddážin, de lea logi diimmu áigi go maŋemus leat čállán dáhpáhusa Twitterii.

Muhto de lihkká ii leat nu jaskat Finnmárkkus go orru leamen.

 

Dutkamin
Dál duođaštit sii Ávvirii ahte leat moadde ášši lihkká dáhpáhuvvan, muhto sii leat vuos dutkamin daid ja dan geažil eai hálit vuos almmuhit áššiid birra.

– Na mii leat dutkamin daid, ja dan geažil eat áiggo vuos almmuhit daid áššiid birra moktege, ovdal go leat gergosat, lohká Finnmárkku politiijaguovllu operašuvdnajođiheaddji, Svein Erik Jacobsen Ávvirii.

Leat go nu duođalaš áššit ahte eai leat resurssat šat eará áššiide?
– Ii mus leat mihkke daddját daid áššiid birra duođi eambbo go maid juo dadjen, vástida son.

 

På forsiden nå