Almmuhus

Almmuhus

Dáid sigareahtaid gávdne duollárat ovtta biillas

Ná ollu sigareahtat ledje čihkkojuvvon dan biilla sisa mii bissehuvvui golggotmánu Storskog duollostašuvnnas. Govva: Duolloetáhta.

Duollárat bissehedje gálvobiilla Storskogas, Finnmárkkus, ja gávdne 80 780 sigareahta čihkkon biilii.

Published date: 
Maŋŋebárga, 16 Ođđajagimánu, 2018 - 13:21
Fáddásánit: 

Biila lei Vilgesruoššas eret, ja bissehuvvui duollus go bođii Ruoššas golggotmánu 13. beaivvi.

26-jahkásaš biilavuoddji muitalii ahte sii leat manname Áltái oaggut. Biillas ledje guđas geat ledje mátkkis Norgii.

 

Vásedin ráhkaduvvon

Go dárkkistedje biilla, de fuomášedje ahte dat lei vásedin ráhkaduvvon suollemasat gálvvuid fievrredit. Duollárat gávdne 80 780 sigareahta ja guhtta lihttara buolleviinni biillas.

Duogušteapmi dagaha 255 000 ruvnno ovddas divada.

Duolloetáhta lea gáibidan váldit gálvobiilla, čállá Duolloetáhta.

På forsiden nå