Almmuhus

Almmuhus

Čájehit Utøya filmma ovddemusat sidjiide geaidda dáhpáhus čuzii

Erik Poppe lea ráhkadan filmma Utøya dáhpáhusa birra. Govven: Tore Meek / NTB scanpix

Sii geat besse Utøya dáhpáhusas eret heakkas ja sii geat leat maŋisbáhccit leat vuosttažat geat besset geahččat Erik Poppe filmma maid lea ráhkadan Utøya terrordagu birra. Doaktárat ja psykologat galget maid leat fárus go filbma čájehuvvo sidjiide.

Published date: 
Duorastat, 18 Ođđajagimánu, 2018 - 16:36
Updated at: 
Ođastuvvon: 18.01.2018 - 16:37
Tags: 
Fáddásánit: 

Lea Našunála doarjjajoavku maŋŋel suoidnemánu 22.beaivvi mii muitala ođđasa NRKi.

– Sii, geaidda dáhpáhus guoská, galget beassat geahččat filmma oadjebas birrasis. Mii jáhkkit ahte muhtimat sáhttet reageret go oidnet filmma, dan dihte lea dehálaš ahte dearvvašvuođabargit leat maid doppe, muitala Romssa ja Finnmárkku joavkku jođiheaddji Olga Goldfain.

 

Giddejuvvon čájeheamit

Giddejuvvon filbmačájeheamit lágiduvvojit miehtá riikka ovdal go filbma čájehuvvo činus njukčamánu 9.beaivvi.

Lea doarjjajoavku mii lágida filbmačájeheami ovttas Poppe buvttadanfitnodagain, Paradoxain, Rukses Ruossain ja Našunála máhttoguovddážiin mii guoská veahkaválddálašvuhtii ja traumáhtalaš stressii.

 

Geassemánu 2017 almmuhii Poppe ahte lei álgán ráhkadit filmma suoidnemánu 22.beaivvi daguid birra. Filmmas oaidná mii Utøyas dáhpáhuvai, fiktiiva olbmo bokte, čállá NRK.

NRK čállá maid ahte filmmas lea 18 jagi ahkemearri.

(©NTB)

På forsiden nå