Čájáhusgovva. Govven: Sárá Máret Rávdná Oskal

Guovttis duššaiga Davvi-Norgga johtolagas

Skábmamánu dušše guokte olbmo Finnmárkku ja Nordlándda johtolagas. Dán jagi leat 16 olbmo duššan johtolagas.

14:05 Juovlamánu 06. beaivi 2017

Davvinjárggas lei lihkohisvuohta skábmamánu loahpas gos 22-jahkásaš dievdu duššai go biila manai badjel luotta. Jándora maŋŋel beaškkehii biila guorbmebiillain Suorttain, ja 46-jahkásaš dievdu duššai.

Oktiibuot leat 16 olbmo duššan Davvi-Norgga johtolagas dán rádjái dán jagi. Lea juste seamma lohku maŋemus njeallje jagi. Gaskamearálaččat leat maŋemus vihtta jagi duššan gaskkal 17 ja 18 olbmo johtolagas álggus ođđajagemánu álggus gitta skábmamánu lohppii.

 

Lohku bisson

Dás oainnát guhtta maŋemus jagi jápminlihkohisvuođaloguid dan golmma davimus fylkkas. Logut leat ođđajagemánus gitta skábmamánu lohppii. Dán dieđiha Stáda geaidnodoaimmahat.

Jápminlihkohisvuođat johtolagas ođđajagemánus skábmamánu lohppii
  2017 2016 2015 2014 2013 2012
Nordlánda 7 6 9 10 11 8
Romsa 7 4 5 1 7 9
Finnmárku 2 6 2 5 5 0
Davvi-Norga 16 16 16 16 23 17

På forsiden nå