Doavttir, gii bargá Hámmárfeastta buohcciviesus, nealgudii iežas 16 beaivvi ovdal go buohcciviessu šállošii go massii barggu. Dál beassá fas bargagoahtit buohcciviesus. Čájáhusgovva. Govven: Anne Gro Gaup

Doavttir nealgudii iežas badjel guokte vahkku

Ikte, gaskavahkku, bođii Hámmárfeastta buohcciviesus klinihkkahoavda ságastallat ruoktot doaktára lusa gii lei jo nealgudan iežas 16 beaivvi.

10:05 Juovlamánu 07. beaivi 2017
Ođastuvvon: 07.12.2017 - 10:08

iFinnmark lea čuvvon ášši mas muhtin doavttir, gii bargá Hámmárfeastta buohcciviesus, lea álggahan nealgudanakšuvnna go massii barggu buohcciviesus. Dál lea klinihkkahoavda fitnan doaktára luhtte ja šállošan.

– Son lea šállošan, ja letne šaddan ovttaoaivilii ahte buot galgá leat nu go lei ovdal go buot bárttit čuožžiledje, ahte mus lea ain bargu buohcciviesus. Šattaime maid ovttaoaivilii ahte go mus buorrána foarbma, de galgat ođđasit šiehtadallat praktihkalaš beliid, muitala váiban doavttir, gii lea ilus go beassá muitalit ođđasa iFinnmarki.

Fáddásánit
Ođđasat

På forsiden nå