Hušša lea dat mielčuovvu man ii galgga váldit fárrui go vuolgá biillain vuodjit. Čájáhusgovva: Scanpix.

– Ale doamáhala juovllaid ovdal

– Čuovo bures mielde jus siivu rievddada, ale ge doamáhala, ávžžuha Trygg Trafikk direktevra Jan Johansen dál ovdal juovlabasiid.

16:08 Juovlamánu 06. beaivi 2017

93 olbmo leat duššan johtolagas dán rádjái dán jagi, čájehit lihkohisvuođalogut skábmamánu. Seamma áiggi diibmá lei lohku 127 olbmo.

 

Jođe várrogasat

Dál lea dat mánnu go hušša lea ja oalggit leat badjin olbmuin.

– Ale váldde huša mielde go vuoddját. Dat sáhttá dagahit lihkohisvuođaid. Vuolit pulssa ja čuovo bures mielde johtolagas. Adveanta lihkohisvuođa haga lea deháleabbo go seston sekunddat, dadjá Trygg Trafikk direktevra Jan Johansen ja namuha ahte siivu maid rievddada maid ferte iskat ovdal go vuoddjá.

 

Seavdnjadeamos áigi

Juovlamánnu lea seavdnjadeamos mánnu, ja Trygg Trafikk muittuha olbmuid geavahit šelggona go mannet olggos.

– Šelggon dahká ahte don oidnot seavdnjadasas. Jus válljet šelggona haga leat olgun, de leat iežat heakkain stoahkame. Vaikko galggat dušše unna mátkkáža finihit olgun, de dárbbašat šelggona. Eanemus lihkohisvuođat leat go vázzi olbmot galget rasttildit luotta báikkiin gos lea ollu johtolat, loahpaha Johansen.

 

Vihtta rávvaga huša siste:

• Ale váldde huša mielde biilii

• Unnit leahtu sihke dili ja siivvu ektui

• Fasko ja gušte álo lásiid ovdal go vuoddját

• Divtte mátketelefuvnna leat ráfis vuojidettiin

• Geavat álo šelggona

På forsiden nå