Adnon dávvirat sáhttet leat buorit gávdnosat bearjadaga go DNT lágida ruoná bearjadaga miehtá Norgga. Čájáhusgovva. Govven: Sara Johannessen / SCANPIX

Čáhppes bearjadat sáhttá šaddat ruoná bearjadahkan dutnje

Bearjadaga lea «Black Friday», muhto DNT turistasearvvi nuorat vástidit ges «Ruoná bearjadagain».

15:29 Skábmamánu 21. beaivi 2017

– Lea go dus meahcceseahkka mii ii leat nu bearehaga gollan, dahje meahccejáhkka mii soaitá leat beare stuoris? Dahje buorit meahcceskuovat maid it goassege ane? Dan jerret turistasearvvi nuorat ja lágidit «Ruoná bearjadaga» skábmamánu 24. beaivvi miehtá Norgga.

«Ruoná bearjadat» -doaluin sáhttet olbmot lonohallat dávviriid maid eai ieža geavat, ja sáhttet maid gávdnat buriid ja anolaš diŋggaid alcceseaset.

Álttás lágiduvvo maid ruoná bearjadat universitehta lásegáhtas.

 

Ruoná bearjadat ja čáhppes bearjadat

Black Friday (čáhppes bearjadat) lea ráhkaduvvon gávpeeahket go fitnodagat fállet gálvvuid main unnidit hattiid.

Ruoná bearjadat fas lea ávžžuhus olbmuide baicce jurddašit luonddu ja birrasa birra, ja oastit adnon diŋggaid ovdalii go áibbas ođđa diŋggaid.

Ollugat bálkot anolaš diŋggaid, ja ruoná bearjadat lea ávžžuhus baicce addit, lonuhit dahje vuovdit dávviriid mat dušše orrot rádjosis, čállá DNT neahttasiiddus.

 

Ná dagat Ruoná bearjadaga:

1. Sáhtát LONUHIT dahje ADDIT dávviriid earáide geat soitet dárbbašit daid. Atte diŋgga ja soaittát ieš gávdnat diŋgga maid lonuhat alccet. Jus háliidat addit juoidá, it ge dárbbat lonuhit eará diŋgii, de sáhtát dahkat nu maid.

2. Don sáhtát VUOVDIT dávviriid ja deaddelit gilkora dávvirii mas lea haddi ja telefunnummar, nu ahte oasti sáhttá vippset dutnje ruhtasupmi. Don mearridat ieš hatti, ja sáhtát válljet leat go ieš báikkis olles eahkeda jus oastis leat gažaldagat du gálvvu ektui.

Fáddásánit
Ođđasat

På forsiden nå