Čájáhusgovva. Govven: Kyrre Lien / SCANPIX

21-jahkásaš nisu áššái­duhtton goddimis Leaŋgá­viikkas

21-jahkásaš nisu áššáiduhtton go galgá leat goddán badjelaš 80-jahkásaš nissonolbmo mánnodaga.

11:37 Skábmamánu 21. beaivi 2017
Ođastuvvon: 21.11.2017 - 13:42

Balahuvvon nisu lea dál dearvvašvuođadivššu hálddus, ja lea Davvi-Norgga buohcciviesus, dieđihii Finnsneassa politiijat disdaga preassakonferánssas.

 

Amas politiijaide

Finnsneassa guovlluleansmánni Arnold Nilsen dieđiha ahte sii gáibidit nissona biddjot giddagassii, ja sii leat sihkkarat ahte leat váldán gitta su gii lea goddán nissonolbmo gii lea badjelaš 80-jahkásaš.

Balahuvvon nisu ja goddon nisu oruiga seamma guovllus.

– Son ii leat oahpis politiijaide ovdalaččas, dieđiha Nilsen.

 

Eai muital vuos buot detáljjaid

Politiijat vulge ovtta čujuhussii Leaŋgáviikka suohkanis go ožžo dieđu ahte muhtin nisu lei nihttán earáid niibbiin.

Go politiijat bohte báikái, de lei nisu guođđán báikki. Politiijat ohcagohte nissona, ja gávdne su goddon nissona ruovttus.

Politiijat ožžo dieđu ášši birra mánnodaga diibmu 12:15. Golbma ja bealle diimmu maŋŋel, diibmu 15:41, ledje vearjuduvvon politiijat váldán gitta nissona.

Goddon nisu galgá leat politiijaid dieđuid mielde oahpis balahuvvon 21-jáhkásažžii.

Politiijat eai leat vel dutkan su, eai ge hálit vuos muitalit eambbo dieđuid das makkár goddinvearju lei.

Olmmošgoddin Leaŋgáviikkas lea 25. goddin Norggas dán jagi.

(©NTB)

Fáddásánit
Ođđasat

På forsiden nå