Boazopolitiija lea dárkkistan ealgabivdiid Kárášjogas ja Guovdageainnus čakčamánus. Govven: Inga Marie Guttorm

Vihtta ášši váidon ealga­bivddu okta­vuođas

 Oktiibuot 12 ealgabivdojoavkku ja 47 bivdi dárkkistuvvojedje Kárášjogas ja Guovdageainnus čakčamánus.

14:25 Golggotmánu 06. beaivi 2017

Dál lea ealgabivdu miehtá Finnmárkku, muhto Kárášjogas ja Guovdageainnus álggii bivdu čakčamánu 1. beaivvi, ja boazopolitiijat leat čađahan dárkkisteami dan guovtti gielddas áigodagas čakčamánu 1. beaivve rájes 25. beaivvi rádjái.

Oktiibuot 12 bivdojoavkku ja 47 bivdi dárkkistuvvojedje Kárášjogas ja Guovdageainnus.

Muhtin bivdoguovlluin eai leat leamašan bivdit, čállá boazopolitiijahaovda Inger Anita Øvregård e-poasttas Ávvirii.

 

Báhčosiidda mannan ealga

Boazopolitiija Inger Anita Øvregård čállá ahte sii leat váidán golbmasa go leat rihkkon mohtorjohtolaga, okta lea váidon go lea rihkkon vearjolága.

Sihke Guovdageainnus ja Kárášjogas lea ášši ceggejuvvon go ealga lea báhčosiidda mannan ja gávdnon jápmán.

Ealgabivdu ii leat vel loahpahuvvon Finnmárkkus.

 

Fáddásánit
Ođđasat

På forsiden nå